Ronja Ræningjadóttir

Við Eyja Dís kíktum í leikhús um helgina á sýninguna Ronja Ræningjadóttir. Það var mikil spenna á mínu heimili þar sem Eyja Dís var að fara í fyrsta skipti í leikhús. Við vorum svo heppnar að Olga besta vinkona mín vann miða fyrir okkur á sýninguna.

Salka Sól er svo hrikalega flott í þessu hlutverki, hún nær Ronju mjög vel og þessi rödd.. Vá! Sviðsmyndin var ótrúlega vel gerð, búningarnir og öll þessi smáatriði, vel gert! Eyja Dís er 4 ára og hún var svo heilluð alla sýninguna. Sat allan tímann og skemmti sér mjög vel.

Þau tvö, Ronja og Birkir, minna mig svo á Eyju og Anton litla bróðir minn. Bestu vinir en samt smá rifrildi inn á milli. Eyju Dís fannst prumpulagið og rassálfarnir standa uppúr sýningunni enda ekkert skrítið. Hún fékk einnig mynd af sér með sætu krúttlegu rassálfunum.

Ég hef ekki farið í leikhús í mörg ár og ég sjálf skemmti mér mjög vel enda tengi ég frekar mikið við Ronju. Ég horfði mikið á hana þegar ég var barn og hún er ennþá í uppáhaldi hjá mér.

Allir leikararnir í þessari sýningu stóðu fyrir sínu og skiluðu geggjuðu leikriti til okkar í salnum.

Ronja Ræningadóttir er sýnd í Þjóðleikhúsinu og það er hægt að nálgast miða HÉR.

Við Eyja Dís mælum klárlega með þessari sýningu. Góða skemmtun. Ykkar,

#leikhús #ronjaræningjadóttir #þjóðleikhúsið